https://venicewiki.org/index.php?action=history&feed=atom&title=Pastisso_de_fig%C3%A0 2026-05-05T04:36:31Z Cronologia della pagina su questo sito MediaWiki 1.11.0 https://venicewiki.org/index.php?title=Pastisso_de_fig%C3%A0&diff=8107&oldid=prev 2008-08-11T07:48:03Z

<p></p> <p><b>Nuova pagina</b></p><div>Alora, par far un bon pastisso de figà ghe vola un fià de tempo, ma ‘na volta fato se pol conservarlo in frigo e tirarlo fora co serve far i antipasti, guarnision, ecc. ma se pol anca magnarlo beo caldo co la polenta bea tendara e smissiando el tuto.<br /> <br /> Se tiol figà misto de vedelo e de porçelo (mi co lo fasso ghe ne conto un chilo…), e tanto xe el figà, tanto ga da essar le çevole. <br /> <br /> Se mete a scaldar in t’una fersora un goteselo de ojo co do spigoli de ajo, e col xe deventà maron se lo cava via e se ghe zonta le çevole che se gavarà parecià zà tajae a tocheti.<br /> Co le çecole le xe deventae trasparenti, se ghe zonta el figà taja anca elo a tocheti, se ghe zonta un bel goto de vin bianco e se coverse co un covercio a fogo lento, acciò che el se cusina ben sensa indurirse.<br /> A piasser se ghe zonta o un bel goto de marsala o uno de cognac o uno de mistrà o quelo che se vol de forte e che el piaza.<br /> Pevare e sal a piasser. Mejo se ‘na sc-ianta de pevare in più…<br /> <br /> Col xe coto e che se gà ben reduto tuto in poltiglia – a zontarghe sempre vin se el se seca massa – bea morbida se passa tuto par un tamiso a busi larghi (adesso se costuma el frullator…) par un per de volte, fin che el diventa un bel impasto tendano e mantecà.<br /> <br /> Se mete tuto un un per de scuelete o su dei stampati e se cassa tuto in frigo a soto zero acciò che el se solidifica.<br /> <br /> Col serve, se lo tira fora un per de ore prima.<br /> <br /> Se costuma metarlo a fetine o col scujer su dei tocheti de pan pena-pena brustolà e spalmà de butirro, o si nò come guarnission su un bel piato de selvadego rostìo. <br /> <br /> Par sto piato ghe vol un bel vin rosso corposo e de bon grado, sul tipo de l’ Amarone de la Val Pantèna.<br /> <br /> [[Category:Cucina veneta]]</div>

Venicewiki